|
 |
|
|
|
|
|
|
|
الاعــــــلام الجنســــى وابتزاز الشيبسى والبيبســـى |
|
 |
|
جــــFbiــــــدو |
السلام عليكم ورحمة الله وبركاته
هذه حكاية ام ومعاناتها مع الفضائيات
وشوفو دا اكيد بيحصل فى كل بيت
مش عارفين هنفضل ساكتين لحد امتى
شوفو قصه لذيذه
الموضوع ابتدى من حوالى شهرين ..
قمت بشراء جهاز ريسيفر بسيط للترفيه عن الاولاد اساسا حيث اننا مبنخرجش كتير وانا كمان متابعه غير جيدة للتلفزيون ..
نظرا لانى قاعدة ليل نهار على الكمبيوتر ..
يا اما بقضى طلبات البيت يا اما بذاكر للولاد الخ الخ ,,,
طبعا كانت القنوات الدينية فى بداية القائمة
ثم الكارتون ثم الافلام الاجنبى ثم الافلام العربى ثم البرامج الهامه وهكذا
الاولاد طبعا التلفزيون بالنسبة لهم اصبح جنة ..
ماسورة كارتون و انفتحت ..
و شخصيا بصراحة عجبنى اوى انى بشوف توم و جيري كتشيير
اول ما يجي فيلم ليهم ,,
ماما ماما توم و جيري تعالى اتفرجى .. يخليكوا ليا يا ولادى
و اوقات يهفنى الشوق اتفرج على حاجة تانيه غير الكارتون ..
انا بشر برضو .. و مواطنه صالحه .. ودا من حقى يعنى
فاقوم بالتقليب بين القنوات وانا قاعدة مستمتعة باحساس الريموت المذهل وانا قاعدة فمكانى يا بووي
و العيال طبعا فاكرنى دقيقتين و هرجعلهم الكارتون .. ياخى هع .. انا عاوزة اتفرج على حاجة تانيه بقى..
وانا بقلب .. و يا ريتنى ما قلبت .. لقيت ايه ؟؟
حلقة نقاشيه عن العلاقات الجنسيه بين الرجل و المرأة ..
اقلب تانى ..
حلقة خاصة اكسكلوسيف عن العادة السريه فى مرحلة المراهقة
و العيال طبعا واقفين حواليا ..
و مودى يسأل ,, يعنى ايه عادة سريه يا ماما
انا : يعنى يا ابنى .. اتشو .. اتشو .. ااااااتشووووو .. انا تعبانه يا مودى . .
ما تروح تجبلنا ازازة بيبسى عشان زى ما انت شايف الحموضه مبهدلانى
مودى :هيييه هييييه
اتنفس بعمق و انا مرتاحه واضرب عينى الاقى مى بتعلى الريموت على حوار من نووع
ازاى البنت ف ليلة الدخله عاوزينها... و ... و هى طول عم ...
يا دهوتىىىىى ..
مى : ماما يعنى ايه ..
انا اااه يا مى هو الموضوع اصله .. اااااتشووووووووو اتشوووو اتشوووو ..
ما تروحى تجبيلنا ازازة سيفن احسن الصداع مبهدلنى
هففف ..
اهرش ف راسى طب و بعدين ..
ميزوو يصرخ .. بوووث الواوا .. بوووث الواوا .. بححح .. يحح
ميزووووووووووووو ... روح اشترى شيبس يا حبيبى عشان انا جالى اسهال
و هكذا عدت اجر اذيال خيبتى الى سبيس تونات عالم الالعاب و الانااقه
احاول اشوف فيلم كوميدي مثلا يتخلله اعلانات ولابد عن افلام فى العرض القادم ...
زوجتى و الكلب .. رحلة المشعارف ايه .. و كله احضاان ساخنة .. و قبلات ملتهبه
وانا كل ده عماله اجيب فبيبسى لما قربت افلس
لا يوجد مسلسل يخلو من علاقة زواج عرفى .. او واحدة حملت من واحد فى الحرام
مفيش برنامج اقدر اشوفه وانا مطمنه انه مش هتتقال فيه كلمة لاخره متغرمنيش ازازة بيبس ..
او بمعنى اصح .. متحرجنيش وانا قاعدة مع ولادى
او اعلان عن فيلم للجماد فقط
انا تعبت .. و ضغطى مش ناقص ..
البيبس يا ميزووو
البيبس يا ابنى يمكن انسى
ايه رأيكم بقى
بس مفيش ام بتعمل كدا
كلو سايبه على المكشوف
ياريت ناخد بالنا من عيالنا
مستنى الردود
جــــــدو
.
.
|
 |
|
|
